Ерөнхий сайд ЖДҮХС-гаас зээл авсан Ш.Лхамсүрэн, Ц.Ням-Осор, Д.Баярсайхан, Ц.Амарсанаа нарыг албан тушаалаас нь огцруулах шаардлага тавьжээ

Зүүн гар талаас: Ц.Ням-Осор, Ш.Лхамсүрэн, Д.Баярсайхан, Ц.Амарсанаа /эвлүүлэг зураг/

Жижиг, дунд үйлдвэрийг хөгжүүлэх сангаас өөрийн хувь эзэмшдэг компаниудаараа зээл авсан төр, улстөрийн албан тушаалтнуудыг огцруулж хуулийн зохих хариуцлага хүлээлгэхийг олон нийтийн зүгээс шаардсаар байгаа билээ. 

Өнгөрсөн долоо хоногт УИХ-ын дарга М.Энхболд Ерөнхий аудитор Д.Хүрэлбаатарт ажлаа өгөх шаардлага тавьсан тухай бид мэдээлсэн. 

Тэгвэл Ерөнхий сайд У.Хүрэлсүх ЖДҮХС-гаас зээл авсан:

• БХБ-ын дэд сайд Ш.Лхамсүрэн,
• УБЦТС ТӨХК-ийн Захирлуудын зөвлөлийн дарга бөгөөд Гүйцэтгэх захирал Д.Баярсайхан,
• Төрийн өмчийн бодлого, зохицуулалтын газрын дарга Ц.Ням-Осор,
• "Барилгын хөгжлийн төв" ТӨҮГ-ын захирал Ц.Амарсанаа нарыг албан тушаалаасаа өөрийн хүсэлтээр чөлөөлөгдөх шаардлага тавьжээ. 

Харин ЖДҮХС-гаас зээл авсан асуудалд холбогдсон УИХ, Засгийн газрын гишүүнийг эгүүлэн татах зэрэг нь УИХ-ын бүрэн эрхэд хамаарч байна. 

Дээрх хүмүүсийн зээлийн талаар ЭНД дарж үзэх боломжтой.