БАРИМТ: УБЦТС ТӨХК-ийн Гүйцэтгэх захирал Д.Баярсайхан ЖДҮХС-гаас нэг онд гурван удаа (₮3.3 тэрбум) зээл авжээ
Жижиг, дунд үйлдвэрийг хөгжүүлэх сан (ЖДҮХС)-гаас зээл авсан төрийн хариуцлагатай албан тушаалтнуудын нэр тодорсоор...
Энэ удаад УБЦТС ТӨХК-ийн Захирлуудын зөвлөлийн дарга бөгөөд Гүйцэтгэх захирал Д.Баярсайхан гэж хүний хувь эзэмшдэг компаниудын мэдээллийг дэлгэж байна.
Баяр плант ХААБ ХХК, Капиталфактори, Эм Эм Жи капитал (тус бүр 100% эзэмшдэг гэж ХОМ-дээ мэдүүлсэн) гурван компани 2018 онд ЖДҮХС-гаас нийтдээ 3.3 тэрбум төгрөгийн зээл авжээ. Өөрөөр хэлбэл ЖДҮХС нэг онд, нэг хүнд гурван удаа зээл өгсөн байна.
Баримт 1, ЖДҮХС-гаас Баяр плант ХААБ ХХК, Капиталфактори, Эм Эм Жи капитал компаниудын зээл авсан баримт, Эх сурвалж: Шилэн данс
Баримт 2, УБЦТС ТӨХК-ийн Гүйцэтгэх захирал Д.Баярсайханы хамгийн сүүлд гаргаж өгсөн хөрөнгө орлогын мэдүүлэг, Эх сурвалж: АТГ
