Улаанбаатар хотын хэмжээнд 204 ШТС хэвийн ажиллаж байна
Шатахууны шуурхай штабаас цаг үеийн асуудлаар мэдээлэл өглөө.
Аж үйлдвэр, эрдэс баялгийн дэд сайд Б.Мөнхтамир хэлэхдээ "ОХУ-аас шатахууны нийлүүлэлт, захиалгын тоог нэмэгдүүлсэнтэй холбоотойгоор арваннэгдүгээр сард захиалга хэвийн үргэлжилж байна.
Улаанбаатар хотын хэмжээнд 270 Шатахуун Түгээх Станц (ШТС) үйл ажиллагаа явуулдаг. Эдгээрээс 204 ШТС хэвийн ажиллаж байна. Бусад ШТС-д зарим төрлийн шатахуун хангалтгүй, дууссан байна.
Улаанбаатар хотод үүсээд байсан шатахууны хомсдол, дарааллын асуудал одоогоор хэвийн хэмжээнд очсон.
Гэхдээ дэлхийн геополитикийн нөхцөл байдалтай холбоотой шатахууны үнийн өсөлт, хомсдолын асуудлыг хэлж мэдэхгүй.
ОХУ-аас нийлүүлж байгаа энгийн 92 буюу K2 шатахууны үнэ арваннэгдүгээр сарын захиалга дээр бууж орж ирсэн. Үүнтэй холбоотой өнөө шөнийн 00:00 цагаас эхлэн энгийн АИ-92-ын үнэ 150 төгрөгөөр буурах төлөвтэй байна" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
