“Сувдан Сондор-9” Дарьгангын түүхэн үүцийг задаллаа

“Сувдан сондор-9” соёл, эрдэм шинжилгээний аялалын хүрээнд "Дарьгангын түүх соёл, байгаль экологи" нэртэй үзэсгэлэнг өнөөдөр Үндэсний түүхийн музейд нээлээ.

Энэхүү үзэсгэлэнд Сүхбаатар аймгийн Дарьгангын нутгаас олдсон үзмэрүүдийн гэрэл зураг, археологийн олдвор, шинээр олдсон түүх соёлын сонирхолтой мэдээллүүдийг дэлгэсэн байв.

Тухайлбал, тус нутгаас олдсон хүрэл зоос, чулаан зэвсэг, шавар ваар, хүрэл эдлэлийг нийтийн хүртээл болгожээ. Өөрөөр хэлбэл, Дарьганга нутгийн түүхэн үүцийг задалж олонд хүргэсэн нь энэ юм.

“Сувдан сондор-9” соёл, эрдэм шинжилгээний аялалыг Монголын Соёл яруу найргийн академи санаачлан хэрэгжүүлж байгаа бөгөөд өнгөрсөн долоо хоногт Дорноговь аймагт хийсэн аялалынхаа олдвороор үзэсгэлэн гаргасан юм.