2018/10/22
Америк доллар
МОНГОЛ БАНК:
2,564.24₮
B30
УЛААНБААТАР
|
-5°
B28
УЛААНБААТАР
|
-3°
B14
УЛААНБААТАР
-3°
|
-7°
00:00
S32
-6°
01:00
S44
-5°
02:00
S44
-6°
03:00
S44
-6°
04:00
S44
-8°
05:00
S44
-7°
06:00
S44
-7°
07:00
S28
-7°
08:00
S28
-6°
09:00
S44
-2°
10:00
S32
11:00
S32
Энэ мэдээ хуучирсан буюу 2018/07/25 -нд нийтлэгдсэн мэдээ болно.

СТАТИСТИК: Монголчуудын гэрлэлтийн нас хойшилж, хувь нь ч буурчээ

Б.Ану
2018 оны 7 сарын 25
iKon.MN
Гэрэл зургийг MPA.mn

1995 онд нийт гэрлэлтээ батлуулж байсан хүмүүсийн дотор 20-24 насны залуус олонх нь байжээ. Тодруулбал, 20-24 насны залуусын гэрлэлт нийт гэрлэсэн хүмүүсийн 48.5 буюу бараг тал хувийг эзэлж байсан байна. 

Харин энэ хувь аажмаар буурсаар 2017 онд гэхэд 27.9 хувь буюу бараг хоёр дахин буурсныг та графикаас харж болно. 

Үндэсний Статистикийн Хорооны статистикаас боловсруулж үзвэл 2015 оноос эхлэн гэрлэлтийн насанд томоохон шилжилт гарсан нь нийт гэрлэлтээ батлуулж байгаа хүмүүсийн дотор 25-29 насныхан олонх буюу 36.8 хувь болж өөрчлөгдсөн байна. Өөрөөр хэлбэл Монголд ч бас бусад орны жишгээр гэрлэх нас хойшилж 25 наснаас хойш гэрлэхийг илүүд үздэг болсон нь харагдана.

Харин 18-24 насны эмэгтэйчүүд үеийнхээ эрчүүдээс эрт гэр бүл зохиодог байна. 

 

График 1, Гэрлэлтээ бүртгүүлсэн хүн, насны бүлгээр,

1995 оноос хойш нийт гэрлэгсдийн тоо нэмэгдсэнийг та мөн графикаас харж байна. 1995 онд 30,212 хүн буюу 15,106 хос гэрлэлтээ батлуулж байсан бол 2017 онд гэрлэсэн хүний тоо 40,940 буюу 20,470 хос гэр бүл болжээ. 

Тооны хувьд хүн амын өсөлтийг даган ийнхүү гэрлэлт нэмэгдэж байгаа харагдавч бодит үзүүлэлт буюу 1,000 хүнд ногдох үзүүлэлтээр гэрлэлт буурсан байна. 

Тодруулбал, 1995 онд 1,000 хүнд ногдох гэрлэлт 12.2 байсан бол 2017 онд энэ тоо 10.0 болж буурчээ. Гэхдээ энэ үзүүлэлт 2010 онд бүр 5.1 болоод байсныг бодвол ийнхүү хоёр дахин нэмэгдсэнийг хэлэх хэрэгтэй. 

Урт хугацаагаар буюу 20-с дээш жилийн үзүүлэлтээр харвал, дэлхий дахинаа явагдаж байгаа гэрлэлтийн нас хойшлох болон гэрлэлт буурч байгаа үзүүлэлт ч Монголд давтагдаж байна. 

1990 онд гэхэд 1,000 хүнд ногдох гэрлэлт 16.6 байж. 

x