Нийслэл хотод засвартай байгаа авто замууд
Улаанбаатар хотод энэ онд 36 байршилд 74 километр авто замын засвар, шинэчлэлтийн ажил хийгдэнэ. Үүнээс 26 байршлынх он дамжин хэрэгжиж байгаа бол шинээр 10 байршлын замыг засварлана гэж албаныхан мэдээлээд буй.
Өнөөдрийн байдлаар найман байршлын авто зам засвартай байна:
- Төмөр замын уулзвараас Гранд плазагийн уулзвар хүртэл 350 метр авто замын нэгдүгээр эгнээг зорох
- Багшийн дээдийн уулзвараас Гадаад хэргийн яамны уулзвар хүртэл зорчих хэсгийн хойд талын нэгдүгээр эгнээнд 280 метр суурь солих
- Хоёр байршилд шүүрт худаг засварлах
- Баянгол дүүрэг, Замчдын гудамж, 10-р хорооллын туслах замын нүхэн эвдрэлийг засварлах ажил үргэлжилж байна.
Энхтайвны өргөн чөлөөний авто замын засварыг 2025 оны наймдугаар сарын 1-нээс өмнө бүрэн дуусгана.
Зуслангийн чиглэлд:
- Дамбадаржаагийн авто замаас Шадивлан чиглэлийн 5.3 километр авто замыг шинэчлэх
- Шаргаморьтын зуслангийн авто замын нүхэн эвдрэлийг засварлаж байна.
Шинээр тавигдаж байгаа зам:
Нэгдүгээр хорооллын хойд талыг "Содон" хороололтой холбох 3.9 километр авто замын эхний ээлжийн 2.4 километр замын хучилтын ажил өрнөж байгааг мэдээллээ.
Бусад байршлын авто замыг засварлах бэлтгэл ажил хийгдэж байгаа аж.
Авто замуудыг шөнийн цагаар буюу 22:00-06:00 цагийн хооронд хөдөлгөөнийг хааж, засварлаж байгаа билээ.
2025 онд засвар хийгдэх замууд:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
