Солонготын давааны замын зорчих хэсэг автомашин зорчиход хэвийн болжээ
Солонготын давааны замын зорчих хэсэг автомашин зорчиход хэвийн болсон талаар Завхан Онцгой байдлын газраас мэдээллээ.
Тавдугаар сарын 04-ний өдөр Солонготын даваанд ихээхэн хэмжээний цас орж, мөстөж халтиргаа гулгаа үүсээд байсан юм.
Тосонцэнгэл сум дахь Онцгой байдлын хэлтсийн есөн алба хаагч хоёр техниктэйгээр ажиллаж Солонготын даваанд саатсан 24 автомашин, 96 зорчигчийн аюулгүй байдлыг хангаж, Завхан АЗЗА компанийн ажилчид зорчих зорчих хэсэгт битүү тогтсон мөс, цасыг хусаж ажиллажээ.
Иргэд та бүхнийг цаг агаарын мэдээ мэдээллийг сонсож хол замд зорчиж байхыг зөвлөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
