Хүүхдийн болон "Цалинтай ээж" хөтөлбөрийн хоёрдугаар сарын мөнгийг олгож эхэлжээ
Засгийн газраас жирэмсний таван сартайгаас төрөх хүртэлх хугацаанд сар бүр 40 мянга, 0-3 хүртлэх насны хүүхэд асарсны тэтгэмжийн хэмжээг сар бүр 50 мянга төгрөг байхаар тогтоож, уг журам энэ оны нэгдүгээр сарын 1-нээс мөрдөгдөж эхлээд байгаа билээ.
Тэгвэл эдгээр болон бусад халамжийн мөнгүүд хэзээ орох тухай Хөдөлмөр Халамжийн Үйлчилгээний Ерөнхий Газраас тодруулахад "Хүүхдийн мөнгө, "Цалинтай ээж" хөтөлбөрийн мөнгө сар бүрийн 20-ноос хойш ордог. Иймд хоёрдугаар сарынх өчигдрөөс иргэдийн дансанд орж эхэлсэн. Нийт хүүхдийн 60 хувь буюу 684 мянган хүүхдэд 13 тэрбум төгрөг олгож байгаа.
Харин "Цалинтай ээж" хөтөлбөрийн хүрээнд сар болгон 135 мянга орчим хүн хамрагдах тооцоог гаргасан байдаг. Хоёрдугаар сард хэчнээн хүн уг хөтөлбөрт хамрагдсан талаарх тоо энэ сарын сүүлээр гарна. Учир нь банкнаас энэ мэдээллийг сарын сүүлээр ирүүлдэг.
Өнгөрсөн нэгдүгээр сард 110 мянга хүн "Цалинтай ээж" хөтөлбөрт хамрагдаад байна" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
18 СЭТГЭГДЭЛТЭЙ
|
