2018 оны 6 сарын 18
Сүүлийн жилүүдэд Монгол Улсад хөрөнгийн зах зээл эрчимтэй хөгжиж байна. Иргэд тус салбарыг ягаан, цэнхэр тасалбараар төсөөлдөг байсан үе хэдийн улирч бизнестээ хөрөнгө оруулалт татах, мөнгөн хөрөнгөө өсгөх бас нэгэн гарц гэж харах болжээ. Өнгөрсөн онд Монголын хөрөнгийн биржээр нийтдээ 860 гаруй тэрбум төгрөгийн арилжаа хийгдэж түүхэн амжилт тогтоосон бол энэ жил хамгийн олон компани шинээр болон нэмэлт үнэт цаас гаргаж, хөрөнгө оруулалт татсан жил болж байна.