ЦЕГ: “ГОВЬ” ХК-ийн гүйцэтгэх захирал Б.Амарсайхан Монголд ирж, хэргийн талаар мэдүүлэг өгөөгүй
Хүүхдийн 100 орчимд болсон зодооны хэрэгт Э.Тэмүүлэн, Ц.Санжаачойпэл, Л.Алтан-Очир, Б.Амарсайхан нар яллагдагчаар татагдаж, гурав нь цагдан хоригдоод байгаа.
Уг хэрэгт яллагдагчаар татагдсан “ГОВЬ” ХК-ийн гүйцэтгэх захирал Б.Амарсайхан зодоон болсны дараа хилээр гараад явсан гэх мэдээлэл цахим орчинд тархсан.
Гэтэл өнөөдрийн байдлаар Б.Амарсайхан Монголд ирж, уг хэргийн талаар мэдүүлэг өгөөгүй талаар цагдаагийн байгууллагаас мэдээллээ.
Түүнчлэн дээрх залуусыг Эрүүгийн хуулийн тусгай ангийн 20.16 дугаар зүйл буюу Олон нийтийн амгалан тайван байдал алдагдуулах гэмт хэргээр зүйлчилсэн. Гэхдээ хохирогчийн хохирлын хэмжээг тогтоосны дараа зүйл анги нь нэмэгдэх магадлалтай талаар прокурорын байгууллагаас мэдээлэл өгөөд байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
