Увс аймгийн түүхт 100 жилийн ойн баяр наадмын ХӨТӨЛБӨР, Үндэсний бөхийн БАЙ ШАГНАЛ
Увс аймаг үүсгэн байгуулагдсаны түүхт 100 жилийн ойн баяр наадам Улаангом хотод хоёр дахь өдрөө үргэлжилж байна.
Өнөөдөр 09:00-12:00 цагт (Улаангомын цагаар) тус баяр наадмын нээлтийн үйл ажиллагаа эхэлнэ. Үргэлжлүүлэн 13:00-18:00 цагт Үндэсний бөхийн барилдааны 1, 2-ын даваа эхлэхээр төлөвлөжээ.
Үндэсний бөхийн барилдаанд улсын аварга цолтой 3, гарди 1, заан 5, харцага 8, начин 32 бөх бүртгүүлсэн бол аймгийн арслан 67, аймгийн заан 22, аймгийн харцага харцага 8, аймгийн начин цолтой 54 бөх зодоглоно. Мөн сумын цолтой 150 гаруй бөх бүртгүүлсэн байна.
Энэ наадмын түрүү бөхөд "Дөнөн хөх групп" ХХК-ийн хамт олон Lexus LX600 маркийн автомашин бэлэглэнэ. Харин үзүүрлэсэн бөхөд “Юнити стар констракшн” ХХК-ийн зүгээс 2 өрөө байр өгнө. Тэгвэл их шөвгийн дөрөвт шалгарсан бөхөд "Цагаан толгойн овоо" ХХК-ийн хамт олон 1 өрөө байр бэлэглэх аж.
Мөн Соёолон, Их насны морьдын уралдаан эхлэх юм. Их насны морьдын уралдааны бай шагналд Монгол Улсын алдарт уяач, "Ундарга Увс" ХХК-ийн үүсгэн байгуулагч Б.Норовсамбуу, Г.Цэрэндулам нараас 114.7 сая төгрөг өгөхөөр болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
