Дэлхийн анхны бүрэн цахилгаан НИСДЭГ МАШИН амжилттай туршигдлаа
Өнөөдрийг хүртэл технологийн мэргэжилтнүүд, тээврийн салбарынхны мөрөөдөл байсан зүйл амьдралд хэрэгжлээ. Энэ бол бүрэн цахилгаан хөдөлгүүртэй, эгц босоо чиглэлд хөөрч, бас газарддаг нисдэг машин буюу VTOL (Vertical Take-Off-and-Landing jet) юм.
Нэг цэнэглэлтээр 300 км замыг нэг цагт туулдаг, 2 хүний суудалтай VTOL-ийг Германы Мюнхенд төвтэй Lilium Aviation компани зохион бүтээжээ. Тэд хэдхэн цагийн өмнө энэхүү бүтээлээ хэд хэдэн удаа амжилттай туршиж нисгэсэн байна.
Одоо тэд 5 хүний суудалтай хувилбарыг зохион бүтээж, агаарын таксины үйлчилгээ гаргахаар төлөвлөжээ. Өөр олон компаниуд VTOL бүтээхээр ажиллаж байгаа юм.
Тэдний хэн нь түрүүлж зах зээлд бүтээгдэхүүн гаргахыг харах үлдлээ.
Эх сурвалж: TheNextWeb
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
