"Төв талбайн асарт зохион байгуулахаар төлөвлөсөн арга хэмжээнүүдийг цуцалж, өнөөдрөөс буулгахаар болж байна"
Төв талбайн 4,000 гаруй хүний багтаамжтай асрыг өнөөдрөөс буулгахаар болжээ. Тус асарт циркийн уран бүтээлчдийн өдөрлөг товлогдсон байсан юм.
Энэ талаар НЗДТГ-ын хэвлэлийн хэлтсээс тодруулахад "Төрийн хэмнэлтийн хуулийн дагуу төв талбай дахь асарт зохион байгуулахаар төлөвлөсөн арга хэмжээнүүдийг цуцалж, өнөөдрөөс буулгахаар болж байна.
Ирэх сард болох Улаанбаатар марафон л төв талбайд зохион байгуулагдана" гэлээ.
Өнгөрсөн оноос эхлэн уг асрыг төв талбайд барьж, Улаанбаатар хотод аялал, жуулчлалын арга хэмжээнүүдийг зохион байгуулж байсан бол энэ онд 4-5 дугаар сард нийгэм, соёлын арга хэмжээнүүдийг төлөвлөсөн байв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
