Усайн Болт 2008 оны Бээжингийн Олимпийн алтан медалиа хураалгахаар боллоо
Багийнх нь нэг гишүүнээс сэргээш илэрсэн тул Ямайкийн домогт тамирчин Усайн Болт 2008 оны Бээжингийн Олимпийн наадмын 4X100 метрийн буухиа гүйлтийн төрлийн алтан медалиа хураалгахаар болжээ.
Түүнтэй цуг энэ төрөлд уралдсан гурван тамирчны нэг болох Неста Картерийн цуснаас хориотой бодис илэрсэн тухай Олон Улсын Олимпийн Хороо өчигдөр буюу Лхагва гарагт зарласан байна. ОУОХ сэргээш илрүүлэх шинэ техниктэй болсон тул өнгөрсөн наадмуудад оролцсон тамирчдын дээжийг дахин шалгаж эхлээд байгаа юм.
Ингэснээр Усайн Болтын “гурван гурав” буюу 2008, 2012, 2016 онуудын Олимпийн наадамд дараалан 100 м, 200 м, 4X100 м төрлүүдэд алтан медаль авсан амжилт үгүйсгэгдэж байна.
Дээрх шийдвэрийн дараа Тринидад ба Тобаго улсын дөрвөл алтан медаль зүүж, Японы баг мөнгө, Бразилийн баг хүрэл медальд дэвшихээр болжээ.
Эх сурвалж: The Guardian
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
