Цаг агаарын ГАМШИГТ үзэгдлийн улмаас Улсын хэмжээнд 12 иргэн сураггүй болоод байна
Цаг агаарын гамшигт үзэгдлийн улмаас Завхан аймгийн 12 суманд нөхцөл байдал хүндэрсэн. Улмаар шуурганы үеэр 27 иргэн сураггүй алга болсныг аймгийн Онцгой байдлын газар, Хилийн цэрэг, Цагдаагийн албан хаагчид нутгийн захиргааны байгууллагаас эрэн хайх ажиллагаа зохион байгуулж, өнөө өглөөний 10:00 цагийн байдлаар 17 иргэнийг эсэн мэнд олоод байна.
Одоогоор малтайгаа уруудсан нэг, отрын бүсэд яваа нэг малчин, нэг автомашинтай найман иргэнийг эрэн хайх ажиллагааг явуулж байна.
Түүнчлэн Архангай аймгийн Хашаат суманд 1, Баян-Өлгийн Буянт суманд 1 иргэн буюу улсын хэмжээнд нийт 12 иргэнийг эрэн хайх, аврах ажиллагаа үргэлжилж байна гэж Онцгой Байдлын Ерөнхий Газраас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
