Фэйсбүүкээр охидыг хуурч, хүчирхийлжээ
Фэйсбүүк хуудсаар дамжуулан охид, бүсгүйчүүдийг мэхэлж, хүчирхийлэхийг завдсан гэх мэдээллийн мөрөөр ЦЕГ-ын Кибер гэмт хэрэгтэй тэмцэх хэлтсийнхэн Ч.Өнөртүвшин гэгчид хэрэг үүсгэн шалгаж эхэлжээ.
“Chingis Unurtuyshin” гэх хаягаар охидыг мэхэлж байсан уг этгээдийн үйлдлийн улмаас 2-3 хүн хохирогчоор тогтоогдсон байна. 17 настай хүчирхийлүүлсэн охин “...Эхлээд хувцастай зураг авч байсан.
Эцэст нь хувцсаа тайлахыг шаардаж, загнаад "Яаж чи модель болох юм бэ, хувцсаа тайл..." гээд нүцгэн зураг авсан. Хувцсаа өмсөх гэтэл жижиг буйдан руу чирч хүчирхийлсэн” гэсэн мэдээлэл өгчээ.
Тиймээс фэйсбүүкээр таньж мэдэхгүй хүмүүстэй яаран холбоо тогтоохгүй байхыг ЦЕГ- аас сэрэмжлүүлж байна. Мөн дээрх хаягаар мэхлүүлсэн хүн байвал цагдаагийн байгууллагад хандахыг сануулж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
