LinkedIn сүлжээнд Бернард Маррын бичсэн нийтлэлийг хүргэж байна.
Бусдын оронд өөрийгөө тавиад, юмсыг бусдын нүдээр харж чадахгүй хүн бол яавч удирдагч байж чадахгүй.
Мэдээж өөрлөлтийн цаана мөнгө хөрөнгө, хүмүүсийн ажил амьдрал хөндөгдөх тул амар биш зүйл. Гэхдээ өөрчлөлтөөс зугтдаг бол удирдагч болоход эрт байна гэсэн үг.
Хэлэлцэгч талтайгаа харилцан сэтгэл ханамжтай үлдэх бол удирдагч хүний чухал ур чадвар. Харин хэтэрхий хурдан бууж өгдөг бол ийм ажилд тохирохгүй.
Даргархуу, захирангуй зантай бол сайн удирдагч гэсэн буруу ойлголт түгээмэл байдаг. Тэгвэл жинхэнэ удирдагчид ингэх шаардлага байхгүй. Хүмүүс үгийг нь хүчлүүлэхгүйгээр дагадаг байвал жинхэнэ удирдагч.
Ямар ч асуудал дээр удирдагч нар нэг талдаа шийдвэр гаргаж чаддаг байх ёстой. Хэрвээ ингэж чадахгүй дүлэгнээд байвал өөртөө итгэлгүй хүний шинж.
Удирдаж байгаа хүмүүсээ хэн бэ гэдгийг таних чадваргүй бол тэр өөртөө хэрэгтэй хүмүүсээр хүрээлүүлж чадахгүй бөгөөд ажил нь өөдлөхгүй. Тиймээс ийм хүн дарга хийхэд тохиромжгүй.
Хэн нэгэн өглөө хамгийн түрүүнд ирээд орой хамгийн сүүлд явдаг бол их ажилсаг хүн мэт харагдаж магадгүй. Гэхдээ энэ нь сайны шинж биш. Ажил, амьдралын тэнцвэрээ хадгалж чаддаггүй хүн удирдагч байж чадахгүй.
Бүгдийг хийж чаддаг, бүхнийг ганцаараа мэддэг хүн байх нь удирдагч хийхэд тохиромжгүй. Учир нь тэр бусдын ажлыг булааж хийсээр өөрөө ч хөгжих завгүй, бусдыг ч хөгжүүлэхгүй тээг болно.
Эх сурвалж: Linkedin
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!