"Нэг айлын хүүхдүүд цэцэрлэгт хамт хуваарилагдах боломжтой"
Улаанбаатар хотын хэмжээнд цэцэрлэгт орох хүүхдийн цахим бүртгэл өчигдөр буюу наймдугаар сарын 4-ний 09:00 цагт эхлээд буй.
Нийслэлийн Боловсролын газраас мэдээлснээр одоогийн байдлаар 62,910 эцэг эх, асран хамгаалагч хандаж, хүүхдийнхээ цахим бүртгэлийг баталгаажуулжээ.
Цэцэрлэгийн элсэлтийн цахим бүртгэлд 2020 оны нэгдүгээр сарын 1-ний өдрөөс 2023 оны арванхоёрдугаар сарын 31-ний хооронд төрсөн оршин суух бүртгэлтэй хүүхдүүд хамрагдана.
Түр оршин суугчийн хүүхэд нийслэлийн цэцэрлэгт хүүхдээ хамруулах хүсэлтийг цахимаар илгээхийн тулд амьдарч буй дүүрэг, хорооны "Хүн ам өрхийн мэдээллийн систем" ХАӨМС-д хаягийн бүртгэлээ бүртгүүлсэн байх шаардлагатай байна.
Бүртгэл наймдугаар сарын 18-ныг дуустал үргэлжлэх бөгөөд наймдугаар сарын 19-22-нд хариуг өгч, наймдугаар сарын 22-ноос баталгаажуулан гэрээг цахимаар байгуулах аж.
Энэ хичээлийн жилд нийслэл хотод 135,582 хүүхдийг цэцэрлэгт хамруулах судалгаа гарчээ.
Цэцэрлэгийн бүртгэлтэй холбоотой түгээмэл асуултуудын хариу:
Таны хүүхэд харьяаллын дагуу аль цэцэрлэгт орох боломжтойг хамран сургах тойргоос харна уу.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
