Хилийн боомт дахь хяналт шалгалтын давхардлыг арилгахаар ажиллаж байна
Дорноговь аймгийн Замын-Үүд боомтоор хоногт 25-30 ачааны болон суудлын галт тэрэг хил нэвтэрдэг. Энэ нь жилд дунджаар 9000 галт тэрэг хил нэвтэрдэг гэсэн үг.
Жилд дунджаар 9000 галт тэрэг хил нэвтэрдэг
Хил нэвтэрч буй эдгээр галт тэргэнд Замын-Үүд өртөөн дээр хяналт шалгалт хийхээс гадна дахин торгон хил дээр гарах чиглэлд 45 минут, орох чиглэлд 30 минут зогсоож хил хяналтын байгууллагууд шалгадаг.
Иймээс Иргэний харьяалал, шилжилт хөдөлгөөний ерөнхий газар Замын-Үүдийн хил дээрх төрийн байгууллагуудын хяналт шалгалтын давхардлыг арилгаж, галт тэргийг үр ашиггүй зогсолт хийлгэхгүйгээр улсын хил нэвтрүүлэхээр ажиллаж байна.
Харин одоо иргэдэд үзүүлж буй үйлчилгээ бүртээ мониторинг хийн төрийн байгууллагуудын хяналт шалгалтын давхардлыг арилгаж, эдийн засагт эерэг үзүүлэлт бий болгохоор ажиллаж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
