Үндэсний соёл амралтын хүрээлэн үүдээ нээлээ
Урин дулааны улирал эхэлж хүүхэд залуусын чөлөөт цагаа өнгөрөөдөг гол газруудын нэг Үндэсний соёл амралтын хүрээлэн зун цагийн үйл ажиллагааны нээлтээ хийлээ.
Түүнчлэн бидний нэрлэж заншсан паркын гадаа талбайн тоглоомууд бүгд ажиллаж эхэлсэн бөгөөд нээлтэд ирсэн багачуудад урлагийн тоглолтоор бэлэг барьсан юм.
Мөн удахгүй болох дэлхийн гэр бүлийн өдөрт зориулж энэ сарын 15-17 хооронд зочилсон хүн бүрт тасалбараа 50 хувь хямдруулж бэлэг барих аж.
Түүнчлэн ирэх зургаадугаар сарын сүүлээр охиддоо зориулж, “Паркийн гүнжхэн” уулзалтыг зохион байгуулахаар төлөвлөсөн.
Харин үндэсний баяр наадмыг угтан “Монгол наадам, монгол соёл” хөтөлбөрийг зохион байгуулна. Энэ үеэр монгол дээлтэй хүрэлцсэн ирсэн хүмүүс хямдралтай үнээр тоглох боломжтой юм байна.
Харин хүүхдийн баярыг долоо хоногийн өмнөөс тэмдэглэх бөгөөд байнгын үйл ажиллагаатай цирк нээлтээ хийх аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
