2020/08/04
Америк доллар
МОНГОЛ БАНК:
2,845.80₮
B30
УЛААНБААТАР
23°
|
11°
B30
УЛААНБААТАР
26°
|
14°
B30
УЛААНБААТАР
25°
|
16°
16:00
S30
24°
17:00
S32
24°
18:00
S32
23°
19:00
S32
21°
20:00
S32
19°
21:00
S29
17°
22:00
S40
15°
23:00
S40
14°
00:00
S40
14°
01:00
S40
13°
02:00
S40
13°
03:00
S26
13°
Энэ мэдээ хуучирсан буюу 2014/01/23 -нд нийтлэгдсэн мэдээ болно.

Х.Бадамгэрэл: Өвөл цагт Монголд үйлдвэрлэсэн гоо сайхны бүтээгдэхүүн сайн

Ч.Гантулга
2014 оны 1 сарын 23
Зууны мэдээ
Зураг
Мисс, загвар өмсөгч Х.Бадамгэрэл

Мисс, загвар өмсөгч Х.Бадамгэрэлтэй зөвхөн гоо сайхны нууцынх нь тухай ярилцлаа.

-Сайн байна уу. Өдрийн мэнд хүргэе. Та энэ өглөөг хэрхэн угтсан бэ?

-Танайхаар дамжуулаад элэг нэгт ах дүүстээ удахгүй болох сар шинийн мэндийг дэвшүүлье. Та бүхэн сайхан шинэлээрэй. Миний өглөө бусдын адил эхэлдэг. Ээж хүн, эхнэр хүн яаж өглөөг угтдаг билээ. Түүнээс ялгарах зүйлгүй.

-Өглөө гоо сайхны ширээнийхээ ард ямар хугацааг өнгөрүүлэв?

-Би эмэгтэй хүнийхээ хувьд, загварын салбарт ажиллаж байгаа учраас өглөө бүхэн өөрийгеө харж, шинжих дуртай. Мөн бүсгүй хүн тольныхоо өмнө тодорхой хугацааг өнгөрөөж заншаасай гэж хүсдэг. Учир нь залуу нас мөнх биш ч гоо сайхныг тэр хэвээр нь хадгалж болно. Түүний тулд яагаад багахан хугацааг өөртөө зориулж болохгүй гэж.

-Та ээж болоод удаагүй. Зарим бүсгүйчүүд төрснийхөө дараа буцаад турах гэж багагүй хугацааг өнгөрүүлдэг. Харин таны хувьд яаж ийм хурдан эргээд тайзнаа гарч чадав аа?

-Би ч ялгаагүй хөдөлмөрлөсөн шүү дээ. Манай загварын бүггүйчүүд үргэлж бэлтгэл сургуулилтай байдаг. Түүний үр дүн гэж бодож байна. Мөн төрөхийнхөө өмнө би ажиллаж байсан. Бие давхар үед тодорхой хэмжээний хөдөлгөөн хэрэгтэй юм билээ.

-Таны гоолиг, сайхан харагддаг нууц юунд байна. Тодорхой дэглэм барьдаг уу?

-Баярлалаа. Сүртэй дэглэм барьдаггүй. Харин хоол, хүнсэндээ анхаарал тавьдаг. Жин нэмэхгүй байх сонгомол арга чинь хөдөлгөөн шүү дээ. Аль болох хөдөлгөөнтэй байж, фитнесээр хичээллэхийг хүсдэг. Мөн амин дэмээр баялаг цагаан идээ хэрэглэх дуртай. Энэ бүхнийг нэг дор хослуулж чадвал жин нэмэхээс айх шаардлагагүй.

-Тэгвэл өвлийн цагт арьсаа яаж хамгаалдаг вэ?

-Өвлийн улиралд арьс илүү мэдрэмтгий болчихдог юм. Энэ үед арьсаа сайн хамгаалах хэрэгтэй. Монголд үйлдвэрлэсэн гоо сайхны бүтээгдэхүүн сайн. Яг монгол хүнийхээ онцлогт тохирсон байдаг юм. Үргэлж будагтай байх нь муу. Арьсаа байнга цэвэрлэж заншвал зүгээр. Мөн сайн унтаж амарвал арьс толигор сайхан харагддаг.

-Бүсгүй хүнд хоёр гоо сайхан байдаг шүү дээ. Та сэтгэлийн гоо сайхандаа хэр анхаардаг вэ?

-Бүсгүй хүнд гадаад үзэмжээс илүү дотоод гоо сайхан чухал болов уу. Хэдий үзэсгэлэнтэй ч муу санаж, муухай үйл хийсэн хүн сайхан харагдах нь юу л бол. Би ч ялгаагүй дотроосоо гэрэлтэхийг хүсдэг. Үүний тулд зөв зүйл бодож, зөв амьдрах нь чухал гэж боддог.

-Та загварын тайзнаа алхаад багагүй хугацааг өнгөрөөжээ. Тайз таны хувьд хэр үнэ цэнэтэй вэ?

-Миний амьдралын нэг хэсэг. Тийм болохоор дэндүү үнэ цэнэтэй. Тайз намайг нээж, хурцалж өгсөн гэж боддог. Үргэлж хүндэлж, дээдэлж явахсан гэж хичээдэг.

Зураг
x