Гаалийн Ерөнхий Газрын даргаар П.Дэлгэрнаран томилогдлоо
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Засгийн газрын өнөөдрийн хуралдаанаар Гаалийн Ерөнхий Газар(ГЕГ)-ын даргаар П.Дэлгэрнаранг томилсон байна.
Пүрвээгийн Дэлгэрнаран нь 1964 онд Улаанбаатар хотод төрсөн. 62 настай. Улсад 38 дахь жилдээ ажиллаж байна.
Боловсрол:
- 1989 онд ЗХУ-ын Москвагийн Цэргийн дээд сургуулийг улс төр судлаач мэргэжлээр
- 1996 онд МУИС-ийн Хууль зүйн сургуулийг эрх зүйч мэргэжлээр тус тус төгссөн.
Ажилласан байдал:
- 1989-1990 онд Талх чихэр үйлдвэрийн хорооны дарга
- 1990-1991 онд Улаанбаатар хотын Хөдөлмөрч залуучуудын эвлэлийн дэд дарга
- 1991-1993 онд Улаанбаатар хотын Залуучуудын холбооны дарга
- 1993-1995 онд Хүн ам, бодлого хөгжлийн яаманд ахлах түшмэл
- 1995-1997 онд Улсын Их Хурал дахь намын бүлэгт зөвлөх
- 1997-1999 онд “Прогоноз” төвд эрдэм шинжилгээний ажилтан
- 1999-2000 онд Үндэсний соёл, амралтын хүрээлэнгийн захирал
- 2000-2003 онд Нийслэлийн өмчийн харилцааны газрын дарга
- 2003-2005 онд Баянзүрх дүүргийн Засаг даргын орлогч
- 2007-2012 онд “Автобус 3” компанийн захирал
- 2012-2013 онд Автотээврийн газрын дарга
- 2012-2020 онд “Автотээврийн үндэсний төв” төрийн өмчит үйлчилгээний газрын тэргүүн дэд захирал, захирлын зөвлөх
- 2020-2025 онд Сонгуулийн Ерөнхий Хорооны даргаар ажилласан.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
