Нано Интернэйшнл ХХК хүний хөгжлийн бодлого, дижитал шилжилтээрээ салбартаа манлайлж байна

Монгол Улсад ажлын байрны тоо төдийгүй ажлын байрны чанар, ажилтны эрүүл мэнд, тогтвортой байдал, хөгжих боломж сүүлийн жилүүдэд нийгмийн анхаарлын төвд орж байна.

Үндэсний статистикийн хорооны (ҮСХ) мэдээллээр 2024 оны байдлаар Монгол Улсад 1.25 сая орчим хүн хөдөлмөр эрхэлж, албан ёсны ажилгүйдлийн түвшин 7 орчим хувь байна. Харин залуучууд болон орон нутгийн хөдөлмөр эрхлэлтийн асуудал харьцангуй өндөр хэвээр байгаа нь судалгаагаар тогтоогджээ.

Ийм нөхцөлд ажил олгогч байгууллагуудын хүний нөөцийн бодлого, ажилтанд ээлтэй ажлын орчин, дижитал шийдлүүдийг үнэлж шалгаруулдаг “Good Workplace Awards 2025” үндэсний арга хэмжээ энэ жил 4 дэх удаагаа амжилттай зохион байгуулагдлаа.

Тус арга хэмжээнээс Нано Интернэйшнл ХХК-ийн Хүний хөгжлийн газар:

• “Best HR Team”
• “Employer with Successful Digital HR Transformation” гэсэн хоёр нэр хүндтэй номинацийн эзнээр шалгарч, салбартаа манлайлагч байгууллагын нэг гэдгээ дахин баталсан юм.

 

 

МОНГОЛЫН ХӨДӨЛМӨРИЙН ЗАХ ЗЭЭЛИЙН БОДИТ ЗУРАГ

Сүүлийн жилүүдийн судалгаанаас харахад Монгол ажилтнууд дараах нийтлэг асуудлуудтай тулгарч байна. Үүнд:

• Цалин инфляцтай уялдаж өсөхгүй
• Сургалт, хөгжлийн боломж хомс
• Ажил–амьдралын тэнцвэр алдагдах
• Стресс, сэтгэл зүйн ачаалал өндөр
• Орон нутагт тогтвортой ажлын байр цөөн

Тиймээс өнөөдөр иргэдийн хувьд зөвхөн “ажилтай байх” бус, эрүүл орчин, хөгжих боломж, тогтвортой карьер, гэртэйгээ ойрхон амьдрах илүү чухал шалгуур болжээ.

ХҮНИЙ НӨӨЦИЙГ УРТ ХУГАЦААНЫ ХӨРӨНГӨ ОРУУЛАЛТ ГЭЖ ХАРДАГ БОДЛОГО

Өргөн хэрэглээний худалдааны зах зээлд 18 жилийн турш тогтвортой үйл ажиллагаа явуулж буй үндэсний томоохон компаниудын нэг Нано Интернэйшнл ХХК нь хүний нөөцийг зардал бус, байгууллагын урт хугацааны амжилтын үндэс гэж үздэг.

Компанийн хүний нөөцийн бодлого нь:

• ажилтны эрүүл мэнд, аюулгүй байдал
• сургалт, ур чадварын хөгжил
• ажил–амьдралын тэнцвэр
• тогтвортой ажлын байр зэрэг хүчин зүйлсийг хамарсан нэгдсэн тогтолцоо дээр суурилдаг.

 

ДИЖИТАЛ HR ГЭЖ ЮУ ВЭ? ЯАГААД ЧУХАЛ ВЭ?

Сүүлийн жилүүдэд хүний нөөцийн менежмент зөвхөн бичиг цаас, гар ажиллагаанд тулгуурлахаа больж, дижитал шилжилт рүү эрчимтэй орж байна. Судалгаагаар хүний нөөцийн процессыг дижитал болгосон байгууллагууд илүү ил тод, шударга, бүтээмжтэй ажилладаг нь нотлогджээ.

Дижитал хүний нөөцийн систем нэвтрүүлснээр:

• Цаасгүй, хурдан процесс бий болдог
• Гүйцэтгэлийн үнэлгээ ил тод, ойлгомжтой болно
• Сургалт, карьерын төлөвлөлт системтэй болдог
• Ажилтны санал хүсэлт бодитой сонсогдоно
• Удирдлагын шийдвэр өгөгдөлд суурилдаг

 

SAP SUCCESSFACTORS – ХҮНИЙ НӨӨЦИЙН ДИЖИТАЛ ШИЛЖИЛТИЙН БОДИТ ЖИШЭЭ

Нано Интернэйшнл ХХК нь 2025 онд SAP SuccessFactors (HCM) хүний нөөцийн цогц системийг Монголд анх удаа бүрэн хэмжээнд нэвтрүүлсэн нь салбартаа онцлох жишээ болж байна.

Уг төслийн хүрээнд:

• 3 тэрбум төгрөгөөс дээш хөрөнгө оруулалт хийж ажилтны мэдээлэл, гүйцэтгэлийн үнэлгээ, сургалт хөгжил, амралт, чөлөө, цалин, урамшуулал зэрэг HR бүх процессыг бүрэн дижитал болгожээ.

Ингэснээр хүний нөөцийн өдөр тутмын ажиллагаа автоматжиж, удирдлагын шийдвэр илүү хурдан, бодит мэдээлэлд суурилсан болж, байгууллагын бүтээмж бодитоор нэмэгдэж эхэлсэн байна.

Хүний нөөцийн ахлах менежер Г.Отгончимэг:  

“SAP SUCCESS FACTOR хүний нөөцийн систем нь дэлхийн шилдэг системүүдийн нэг бөгөөд нэвтрүүлэхэд зардал маш өндөр гарах тооцоололтой байсан тул бид нэлээн бодсон. Гэвч урт хугацааны стратеги, бодлого, ажилтнуудынхаа сэтгэл ханамжийг дээшлүүлэх нь илүү чухал байсан тул бид нэвтрүүлж эхэлсэн. Эхнээсээ үр дүнгүүд их сайн гарч эхэлж байгаад баяртай байна.” 

ЭРҮҮЛ АЖИЛТАН = БҮТЭЭМЖТЭЙ БАЙГУУЛЛАГА

Монгол Улсад ажилтнуудын стресс, эрүүл мэндийн асуудал нэмэгдэж байгааг олон судалгаа харуулж байна. Иймээс орчин үеийн компаниуд эрүүл амьдралын хэв маягийг дэмжих бодлогыг хүний нөөцийн стратегийн нэг хэсэг болгожээ.

Судалгааны дүнгээс:

• Эрүүл мэнддээ анхаардаг ажилтнуудын
  → ажлын бүтээмж 15–25 хувиар өндөр
• Стресс бууруулах хөтөлбөртэй компаниудын
  → ажлаас гарах эрсдэл 30 хувиар бага

 Иймээс дараах хөтөлбөрүүд нь “тансаг хэрэглээ” бус, бодит хэрэгцээ болж байна:

• усанд сэлэлт
• ууланд алхалт
• ном уншлага
• хэлний клуб

АЖИЛТНЫ ХӨГЖЛИЙГ ДЭМЖСЭН БОДИТ САНААЧИЛГУУД

Нано Интернэйшнл ХХК нь:

• Nano цогц сургалтын хөтөлбөрүүд
• Нано усанд сэлэлтийн клуб
• Нано ууланд алхагчдын клуб
• Нано ном уншлагын клуб
• Англи хэлний ярианы клуб

зэрэг хөтөлбөрүүдийг хэрэгжүүлж, нийт ажилтнуудын 50 орчим хувийг тогтмол хамруулж байна. Нано Интернэйшнл компани дээр дараах клубууд идэвхитэй үйл ажиллагаа явуулдаг ба нийт ажилтнуудын 50% орчим нь хамрагдаж байгаа нь тун өндөр хувь юм. Жишээ болгоход усанд сэлэлтийн клуб үйл ажиллагаагаа явуулсан сүүлийн 3 жилийн хугацаанд 80 гаруй ажилтнууд усанд сэлж сурчээ. 

Мөн 2025 онд Монголд анх удаа LONGEVITY буюу чанартай, урт удаан амьдралын хөтөлбөрийг удирдлагын түвшинд хэрэгжүүлж, эрүүл хооллолт, дааврын тэнцвэр, стрессийн удирдлагыг өдөр тутмын дадал болгохоор ажиллаж байгаа юм.

 

МОНГОЛЫН АЖЛЫН БАЙРЫГ ДЭМЖИЖ БУЙ БОДИТ ХУВЬ НЭМЭР

Өнөөдрийн байдлаар Нано Интернэйшнл ХХК:

• 450 гаруй ажилтантай
• 2025 онд 120 шинэ ажлын байр бий болгосон
• 21 аймагт салбар, төлөөлөлтэй үйл ажиллагаа явуулж,
  орон нутгийн хөдөлмөр эрхлэлтийг бодитоор дэмжин ажиллаж байна.

“Ажилтнуудынхаа хөгжилд хөрөнгө оруулж байж байгууллагын урт хугацааны амжилтыг бүтээнэ” гэсэн зарчмыг бодит үйл ажиллагаагаар хэрэгжүүлж буй Нано Интернэйшнл ХХК нь хүний нөөцийн бодлого, дижитал шилжилт, байгууллагын соёлоороо салбартаа манлайлан ажиллаж байгаагаа Good Workplace Awards 2025 шагналаар дахин нотоллоо.

 Дэлгэрэнгүй мэдээлэл

• Компанийн вэб сайт:
  www.nanointernational.mn
• YouTube – Ажилтны хөгжил, соёлын бичлэгүүд:
  www.youtube.com/@NanoInternational