Б.Мөнх-Эрдэнэ: Нийслэл хотод наймдугаар сарын 23, 24-нд их цэвэрлэгээ зохион байгуулна
Нийслэл хотод энэ сарын 23, 24-ний амралтын өдрүүдэд бүх нийтийн их цэвэрлэгээг зохион байгуулахаар болжээ.
Энэ талаар УБЗАА-ны Орчны бохирдол, хог хаягдлын удирдлагын хэлтсийн дарга Б.Мөнх-Эрдэнэ "Улаанбаатар хотод нэг жилд найман удаагийн их цэвэрлэгээг зохион байгуулдаг.
Энэ удаагийн их цэвэрлэгээг хичээлийн шинэ жил эхлэхээс өмнө буюу наймдугаар сарын 23, 24-нд зохион байгуулна.
Цэвэрлэгээг хэрхэн зохион байгуулах удирдамжийг дүүргүүдэд хүргэсэн, гарсан хогийг хариуцсан байгууллагууд тээвэрлэх юм.
Нийслэлийн есөн дүүргийн хэмжээнд болох их цэвэрлэгээнд иргэд, ААН-үүд идэвхтэй оролцож, орчноо цэвэрлэхийг уриалж байна" гэж мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
