"Хасын Хүлэгүүд" Аваргуудын лигт БНХАУ, Ираны багуудтай нэг хэсэгт оржээ
Азийн Аваргуудын Лигийн Зүүн бүсийн урьдчилсан шатны тэмцээнд түрүүлж, эрхээ авсан "Хасын Хүлэгүүд" баг энэ сарын 7-ноос 13-ныг дуустал Арабын Нэгдсэн Эмират Улсын Дубай хотноо Азийн Аваргуудын лигт өрсөлдөх юм.
Энэ тэмцээнд 9 улсын баг оролцоно. Тодруулбал БНХАУ, Япон, БНСУ, Филиппин, Ливан, Иран, АНЭУ, Монгол болон Тайванийн лигийн аваргууд оролцох аж.
Дээрх 9 баг гурван хэсэгт хуваагджээ. "Хасын Хүлэгүүд" "А" хэсэгт БНХАУ-ын "Жэцзян Лайонс", Ираны "Табиат" багтай өрсөлдөнө. Улмаар хэсгийн шатанд хамгийн тааруу амжилт үзүүлсэн 1 баг хасагдаад шөвгийн наймаас эхлүүлэн багууд хасагдах журмаар явсаар аваргаа тодруулах юм.
"Хасын Хүлэгүүд" багийн хувьд энэ сарын 7-нд "Лайонс"-той, 9-нд нь Ираны багтай хүч үзэхээр тов гарчээ.
| Баг | Эрхээ авсан өдөр | Эрхээ авсан тэмцээн | Өмнө нь оролцсон тоо |
| Жэцзян Лайонс (БНХАУ) | 2025 оны 5 сарын 20 | 2024-2025 оны CBA лигийн аварга | Анх удаа |
| Үцүномия Брекс (Япон) | 2025 оны 5 сарын 27 | 2024-2025 оны B1 лигийн аварга | Анх удаа |
| Чанвон Сайкерс (БНСУ) | 2025 оны 5 сарын 17 | 2024-2025 оны KBL лигийн аварга | Анх удаа |
| Мералко Болтс (Филиппин) | 2025 оны 5 сарын 5 | 2024 оны PBA цомын аварга | 1 (2018) |
| Аль-Рияди (Ливан) | 2025 оны 5 сарын 17 | 2024-2025 оны FIBA West Asia лигийн аварга | 11 (1998, 2008, 2009, 2010, 2011, 2012, 2016, 2017, 2018, 2019, 2024) |
| Табиат (Иран) | 2025 оны 5 сарын 17 | 2024-2025 оны FIBA West Asia лигийн дэд аварга | Анх удаа |
| Шабаб Аль-Ахли (АНЭУ) | 2025 оны 5 сарын 26 | Зохион байгуулагч | 5 (2001, 2011, 2016, 2017, 2024) |
| Хасын Хүлэгүүд (Монгол) | 2025 оны 5 сарын 30 | 2025 оны BCL Asia - East тэмцээний аварга | Анх удаа |
| Таоюань Пилотс (Тайвань) | 2025 оны 5 сарын 30 | 2025 оны BCL Asia - East тэмцээний дэд аварга | Анх удаа |
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
