Улаанбурхан өвчний 1,106 тохиолдол батлагдсанаас 791 нь бүрэн эдгэрчээ
Өнөөдрийн байдлаар улаанбурхан өвчний 1,106 тохиолдол лабораторийн шинжилгээгээр батлагдаад байгааг Халдварт Өвчин Судлалын Үндэсний Төв(ХӨСҮТ)-өөс мэдээллээ.
Үүнээс 791 нь эдгэрсэн бол 223 хүн гэрээр болон эмнэлэгт эмчлүүлж байна.
Уг өвчний тохиолдлууд Улаанбаатар хотоос гадна Төв, Сэлэнгэ, Баянхонгор, Архангай, Өвөрхангай, Дундговь, Хэнтий, Дорноговь, Өмнөговь аймагт бүртгэгдээд буй.
ХӨСҮТ-ийн нэгжийн дарга Н.Сувдмаа "Нийт батлагдсан тохиолдлын дийлэнх хувь нь 10-14 насны хүүхдүүд. Улаанбурхан бол халдварлалт өндөртэй ч вакцинаар сэргийлэх боломжтой. Гэтэл 10-14 насны хүүхдүүд ихэвчлэн улаанбурхан өвчний вакцинд хамрагдаагүй гэсэн өгүүлэмжтэй байна. Иймд 10-14 настай хүүхдүүдийнхээ вакцины тодруулгыг нь хийж, хоёр хүртэлх насандаа товлолын вакцин болон нэмэлт дархлаажуулалтад хамрагдаагүй байвал вакцинаа хийлгэхийг зөвлөж байна" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
