"Нийгмийн сүлжээнд 16 хүртэлх насны хүүхдийн оролцоог зохицуулах хуулийн төслийн үзэл баримтлалыг бичиж эхэлсэн"
Олон нийтийн цахим сүлжээнд 16 хүртэлх насны хүүхдүүдийн оролцоог зохицуулах талаар судлах ажлын хэсэг Боловсролын Яаманд байгуулснаа салбарын сайд нь энэ оны хоёрдугаар сард мэдээлсэн.
Тухайн үед "Суурь шинжтэй өөрчлөлт хийхийн тулд судалгаа маш их шаардана. Нийгмийн хүрээнд хэлэлцэн зөвшилцөлд хүрэх нь зүйтэй" хэмээж байв.
Тэгвэл энэ ажлын явц ямар байгааг өнөөдөр сэтгүүлчид тодруулахад Боловсролын сайд П.Наранбаяр "Нийгмийн сүлжээнд 16 хүртэлх насны хүүхдийн оролцоог зохицуулах анхдагч хуулийн төслийг үзэл баримтлалын хувьд боловсруулахаар яамд, төрийн болон төрийн бус байгууллагуудын хооронд ажлын хэсэг байгуулж байна.
Хуулийн төслийн үзэл баримтлалыг бичиж эхэлсэн. Үүнийг нийгмээр сайтар хэлэлцүүлнэ. Доороос дээш ярилцаж байж шийдвэрээ гаргах ёстой. Ажил үргэлжилж байгаа" гэж хариулав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
|
9 СЭТГЭГДЭЛТЭЙ
|
