“Ай Си Ти Групп” ХК-ийн Төлөөлөн удирдах зөвлөлийн хараат бус гишүүнийг сонгон шалгаруулах зар

 

Монгол Улсын Компанийн тухай хуулийн 75 дугаар зүйлийн 75.4, 79 дүгээр зүйлийн 79.1 дэх заалтыг үндэслэн “Ай Си Ти Групп” ХК-ийн Төлөөлөн удирдах зөвлөлийн хараат бус гишүүний сонгон шалгаруулалтыг зарлаж байна.

1. Тавигдах шаардлага:
   • Мэдээллийн технологи, хууль эрх зүй, санхүү, эдийн засгийн чиглэлээр дээд боловсролтой, мэргэжлээрээ 10-аас доошгүй жил ажилласан, үүнээс 3-аас доошгүй жил удирдах албан тушаалд ажилласан байх;
   • Сүүлийн 3 жилийн хугацаанд “Ай Си Ти Групп” ХК-д эрх бүхий албан тушаал хашаагүй байх, үүсгэн байгуулагч нартай хамтран ажиллаагүй байх, мөн өрсөлдөгч компанид ажилладаггүй байх;
   • Өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны 5 (тав)-аас дээш хувийг эзэмшдэггүй байх;
   • Компанийн нэгдмэл сонирхолтой болон компанийн үйл ажиллагаанд оролцогч талуудын (зээлдүүлэгч, хөрөнгө оруулагч, болон нөлөө бүхий хувьцаа эзэмшигчид) ашиг сонирхлыг төлөөлдөггүй байхаас гадна бизнесийн аливаа холбоогүй байх;
   • Төлөөлөн удирдах зөвлөлийн бусад гишүүд, гүйцэтгэх удирдлагын багийн гишүүдтэй нэгдмэл сонирхолтой биш, тэдэнтэй садан төрлийн холбоогүй байх;
   • Төрийн үйлчилгээний албан тушаалаас бусад төрлийн төрийн алба хашдаггүй байх;
   • Компанийн засаглалын сургалтад хамрагдсан байх.

2. Бүрдүүлэх материал:
   • Товч намтар (CV);
   • Ажил байдлын тодорхойлолт (ажил эрхэлдэг иргэн байгууллагаасаа тодорхойлолт  авах, ажил эрхэлдэггүй иргэн өөрийн хийж гүйцэтгэсэн ажлын талаар мэдээлэл);
   • Боловсролын диплом, сургалт семинарын олгосон сертификатын хуулбар;
   • Иргэний үнэмлэхийн хуулбар;
   • Компанийн засаглалын сургалтын гэрчилгээний хуулбар;
   • Нэр дэвшигчид тавигдах шаардлагыг хангасан тухай баталгаа (гарын үсгээр баталгаажсан байх).

Сонгон шалгаруулалтын материал хүлээн авах мэйл хаяг: delgermurun.g@ictgroup.mn

Утас: 70164444, 80029509

Материал хүлээн авах хугацаа: 2025 оны 05 дугаар сарын 02-ны өдрийн 16:00 цаг хүртэл