Эмэгтэй жүдочид тивийн аваргаас хошой мөнгө, хос хүрэл медаль авлаа
Тайландын Бангкок хотод энэ сарын 25-наас 28-ныг дуустал жүдогийн Азийн Аварга Шалгаруулах Тэмцээн (ААШТ) өндөрлөлөө. Япончууд 8 алт, 3 хүрэл медаль хүртэж багийн дүнгээр тэргүүлсэн бол Узбекистан 2 алт, 2 мөнгө, 3 хүрэл, БНСУ 2 алт, 1 мөнгө, 3 хүрэл, БНХАУ 1 алт, 3 мөнгө, 2 хүрэл медаль хүртлээ.
Тэгвэл эрэгтэйчүүдийн -100 кг-д Бахрейны нэрийн өмнөөс өрсөлдсөн Саид Садрудинов түрүүлсэн. Ингэснээр Бахрейн улс тивийн аваргаас анхны медалиа авсан юм.
Манай шигшээ баг тааруу амжилт үзүүллээ. Эмэгтэйчүүдийн 57 кг-ын жинд Т.Ариунзаяа, 63 кг-ын жинд Л.Энхрийлэн нар мөнгө, 70 кг-ын жинд Б.Ням-Эрдэнэ, +78 кг-ын жинд А.Адъяасүрэн нар хүрэл медаль хүртсэн бол эрчүүд дөрвөн шагналт байрнаас өөр амжилт үзүүлсэнгүй.
Харин тэмцээний сүүлийн өдөр холимог багийн төрөлд Монголын баг хүрэл медаль хүртсэн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
