Тамирчдын тэмцэл үр дүнгээ өгч, лигийн тоглолт тодорхойгүй хугацаагаар хойшиллоо
Монголын Хөлбөмбөгийн Холбоо (МХБХ)-ны нөхөн сонгуультай холбоотойгоор Тоглогчдын Холбоо (MFFA)-ны удирдлагууд тамирчдадаа талбайд гарахгүй гэдгээ удаа дараа мэдэгдсэн.
Тэдний шийдвэрийг үндэслэн өчигдөр лигийн тэмцээн зохион байгуулах үүрэгтэй "Очир" зөвлөлийн Удирдах Зөвлөл хуралдсан байна. Улмаар тамирчдын шийдвэрийг олонхын саналаар дэмжиж, Дээд лигийн болон Нэгдүгээр лигийн 17 дугаар тойргийн буюу энэ сарын 25-наас 27-ныг дуустал үргэлжлэх болох тоглолтыг тодорхойгүй хугацаагаар хойшлууллаа.
Мөн МХБХ-ны ээлжит бус Их Хурлын шийдвэрээс шалтгаалан шаардлагатай тохиолдолд дахин хуралдахаар болжээ.
Лигийн тэмцээнийг хойшлуулах эсэх тал дээр санал хураахад МХБХ-ны тэргүүн асан М.Болдын "Сэлэнгэпресс Фалконс" болон гадаад эзэнтэй "Брера Илч" баг эсрэг санал өгсөн байна.
Өөрөөр хэлбэл ерөнхийлөгчийн сонгуульд нэр дэвшиж буй Ц.Анандбазарыг нэрээ татахгүй бол тэмцлийн өөр хэлбэрт шилжихээр төлөвлөж байна.
Мөн тоглогчид энэ сарын 27-ны Ням гарагт МХБХ-ны байранд тайван жагсаал хийхээр төлөвлөжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
