Б.Мөнгөнтуул хоёр дахь хожлоо авчээ
Энэтхэгийн Пуна хотод болж буй дэлхийн шилдэг 10 эмэгтэй шатарчдын гранпри тэмцээн дөрөв дэх өдрөө үргэлжилж байна.
Энэ тэмцээнд Монголоос олон улсын эмэгтэй их мастер Б.Мөнгөнтуул оролцож байгаа билээ. Тэрбээр эхний өрөгт Гүржийн Салом Мелиаг буулган авсан ч хоёрдугаар өрөгт БНХАУ-ын их мастер Жу Циньэрд дийлдсэн.
Харин өчигдөр гуравдугаар тавилд Польшийн эмэгтэй их мастер Алина Кашлинскаяг ялснаар гурван өргийн дараа хүснэгтийн гуравдугаарт бичигдэж байна.
Эхний хоёр өргийн дараа тэргүүлж байсан БНХАУ-ын Жу Циньэр Гүржийн Салом Мелиатай оноо хуваасан бол Энэтхэгийн 19 настай залуу шатарчин Дивья Дешмукх нутаг нэгт их мастер Хампи Конеруд ялагджээ.
Ингэснээр хятад бүсгүй нэг ч хожигдолгүй хүснэгтийг тэргүүлж байна.
Манай шатарчин Б.Мөнгөнтуул дөрөвдүгээр өрөгт Болгарын Нургюл Салимоватай өрсөлдөх юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
