Баруун дөрвөн зам, Гуравдугаар эмнэлэг зэрэг 38 байршлын 204 ТҮЦ-ийг нүүлгэжээ

Нийслэл хотын нийтийн эзэмшлийн гудамж, талбай болон явган хүний зорчих хэсэгт саад учруулж буй ТҮЦ-үүдийг нүүлгэх ажил үргэлжилж байна.

Тухайлбал Баянгол дүүргийн холбогдох албаныхан энэ сарын 14-16-ны өдрүүдэд нийт 38 байршилд 63 ТҮЦ-ийг нүүлгэн шилжүүлж, орчны бохирдлыг цэвэрлэж байна.

Тус дүүргийн хэмжээнд 289 ТҮЦ ачиж, нүүлгэхээр төлөвлөсөн бөгөөд өнөөдрийн байдлаар нийт 204 ТҮЦ-ийг нүүлгэн шилжүүлжээ. Үүнд:

• 1-р хороо: Богд ар баруун талын буудал-2
• 2-р хороо: 25-р эмийн сангийн автобусны буудал, ТБД-Андууд орчмын буудал орчмын автобусны буудал, бусад байрлал-13
• 3-р хороо: 71, 72-р байрны зам дагуу-4
• 4-р хороо: Жасрайн гудамж, 25-р эмийн сангийн автобусны буудал орчим, бусад-4
• 5-р хороо: 3-р эмнэлгийн автобусны буудам орчим-19
• 6-р хороо: Жем молл орчим-3
• 7-р хороо: 3,4-р хорооллын эцэс замын урд хэсэг-3
• 8-р хороо: Ард аюушийн гудамж-3
• 13-р хороо: Дархан нэхий, Хишиг төв-7
• 14-р хороо: Өргөө гудамж, Москва автобусны буудал-13
• 15-р хороо: Байгаль эх цогцолбор болон бусад-3
• 16-р хороо: Баруун 4 зам, модны 2 орчмын буудал-13
• 17-р хороо: Дамдинбазарын гудамж, Модны 2 орчим-4
• 18-р хороо: Сентоза буудлын зам дагуу-27
• 19-р хороо: 3,4-р хороолол, Парадокс буудал-6
• 20-р хороо: 5 шар, Сүлжмэл, 32-н гүүр-13
• 21-р хороо: Гэмтэл буудал, Дэнж-5
• 24-р хороо: Алтай хотхон буудал-6
• 25-р хороо: Хангай хотхон, Биг барилгын материал-3
• 26-р хороо: Орон сууцны дунд-2
• 27-р хороо: Улаан гүүр, Найрамдал цэцэрлэгт хүрээлэн, бусад-4
• 28-р хороо: 3-р эмнэлгийн урд автобусны буудал-1
• 29-р хороо: 32, Хархорин, Саппоро автобусны буудал-24
• 30-р хороо: ЭТАЧ АШУҮИС-ийн зүүн талд-2
• 31-р хороо: Гэмтлийн эмнэлэг орчим Монос эмийн сан баруун тал-5.

Нийслэлийн төвийн зургаан дүүрэгт нийт 1,100 орчим ТҮЦ зөвшөөрөлгүй үйл ажиллагаа явуулдаг бөгөөд 700 гаруй ТҮЦ-ийг нийтийн эзэмшлийн талбайгаас нүүлгэжээ. 

Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс