Ж.Энхбаяр: Нэг кг ноолуурыг 155-165 мянган төгрөгөөр худалдан авч байна
Байгаль орчин, хүнс, хөдөө аж ахуйн байнгын хорооны өчигдрийн хуралдаанд ХХААХҮ-ийн сайд Ж.Энхбаяр ноолуурын үнийн талаар мэдээлэл өгчээ.
Тэрбээр “Яг өнөөдрийн мэдээгээр 600 орчим тн ноолуур худалдан авагдсан байна.
- Дорнод аймагт нэг кг ноолуурыг 163-165 мянган төгрөгөөр,
- Сүхбаатар, Хэнтий аймагт 155-158 мянган төгрөгийн үнэтэйгээр худалдан авалт хийгдэж байна.
Дэлхийд худалдааны томоохон дайн явагдаж байна. Энэ үед нүүрстэй харьцуулахад ноолуур маш бага буюу 5 хувийн мэдрэг чанартай хөдөлгөөнтэй байгаа. Яагаад гэвэл ноолуурын зах зээлийн төлөв байдал харьцангуй тогтвортой байна. Манай улс ноолуурын томоохон нийлэгчийн хувиар энэ цаг үеийг ашиглаж дотоодын үйлдвэрлэх чадавхаа яаралтай босгох шаардлагатай байгаа" гэжээ.
2025 онд ноолуур боловсруулах үйлдвэрлэлийн салбарын эргэлтийн хөрөнгийн зээлд 230 тэрбум төгрөг, ээрэх, нэхэх, сүлжих дамжлагын хөрөнгө оруулалтад 132 тэрбум төгрөг, ноос боловсруулах үйлдвэрлэлийн эргэлтийн хөрөнгийн зээлд 30 тэрбум төгрөг, хөрөнгө оруулалтад 290.9 тэрбум төгрөг, арьс шир боловсруулах үйлдвэрлэлийн эргэлтийн хөрөнгийн зээлд 40 тэрбум төгрөг, хөрөнгө оруулалтад 66 тэрбум төгрөг тус тус олгогдохоор санхүүжилт нь батлагдаад, зээл олгож эхэлсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
9 СЭТГЭГДЭЛТЭЙ
|
