Австраличууд "давхар цохилт" хийв

Э.Тэмүүлэн, iKon.mn
2025 оны 3 сарын 31
IKON.MN
Зураг зураг

Энэ сарын 26-наас 30-ныг дуустал Сингапур улс 3х3 сагсан бөмбөгөөр амьсгалав. Ази тивийн эрэгтэй 21, эмэгтэй 19 баг аваргаа тодруулахаар тус улсад цугласан юм.

Манай улсын эрэгтэй шигшээ баг чансаагаар тэргүүлэгч тул "А" хэсэгт Сингапур, Хонконгтой өрсөлдсөн. Талбайн эзэн Сингапурыг 22:10, Хонконгийг 22:8-аар буулган авч, шөвгийн 8-д түүртэх зүйлгүй шалгарсан билээ.

Харамсалтай нь Австралийн багтай эхний даваанд учраа таарч, 7:21-ээр ялагдав.

Гол өрсөлдөгчөө тэмцээнээс хассан австраличууд хагас шигшээд Шинэ Зеланд, аваргын төлөө БНХАУ-ын багийг ялснаар тав дахь удаагаа тивийн аварга боллоо. 

Хүрлийн төлөө Шинэ Зеландын баг Японыг 21:18-аар буулган юм.

Эмэгтэйчүүдийн ангилалд монгол бүсгүйчүүд "B" хэсэгт Тайланд, Тайваньтай нэг хэсэгт орсон. Эхлээд Тайванийг 21:14-өөр илүүрхсэн ч Тайландын багт 11:17-гоор дийлдэв. 

Хэдийгээр оноо тэнцүү болсон ч чансааны илүүгээр хэсгээ тэргүүлсэн. Ингээд хасагдах шатанд Филиппиний багтай учраа таарсан ч 15:19-өөр хожигдсон юм.

Австрали бүсгүйчүүд Тайланд, БНХАУ, Японы багийг дараалан ялж, тивийн аваргад тав дахиа аваргалсан. 2017 онд Улаанбаатарт болсон тивийн тэмцээнд түрүүлж байсан тэд 2019, 2023, 2024, 2025 онд аваргын цомоо хамгааллаа. 

Манай тамирчид эцсийн дүнгээр эрэгтэйчүүд 49 оноогоор V байр, эмэгтэйчүүд 47 оноогоор V байр эзэлжээ.

Сонирхуулахад 2026 оны тивийн тэмцээн Сингапур улсад болно. 2022 оноос хойш таван жил дараалан энэ бүс нутагт шар тивийнхэн аваргаа тодруулахаар гэрээ байгуулсан юм.

Энэ мэдээнд өгөх таны хариулал?
5
Зураг
ЗӨВ, ГОЁ
2
Зураг
ГАЙХМААР
1
Зураг
БУРУУ
Зураг
ХАХА
Зураг
ХӨӨРХӨН ЮМ
Зураг
БАХАРХМААР
Зураг
ХАРАМСАЛТАЙ
Зураг
ТЭНЭГЛЭЛ
ИЛГЭЭХ
БОЛИХ
Зураг
Баярлалаа