Үерийн далан, сувгууд руу иргэдийг унахаас хамгаалж хашлага хийж байна
Улаанбаатар хотод 168 километр үерийн далан байдаг бөгөөд хаврын шар усны үер далан сувгуудыг дүүргээд байгаа юм байна.
Иймд иргэдийн аюулгүй байдлыг ханган далан руу унаж гэмтэхээс сэргийлэн үерийн хамгаалалтын барилга байгууламжийн далан сувгуудад хамгаалалтын хайс хашлага суурилуулж, эхэлжээ.
Уг ажлыг Геодези, усны барилга, байгууламжийн газар гүйцэтгэж, Баянгол дүүргийн 21 дүгээр хороо, 3, 4 дүгээр хороолол орчмын далан сувгуудад хашлагатай болгосон байна.
Өнгөрсөн онд Улаанбаатар хотын хэмжээнд энэ жил нийт есөн байршилд үерийн хамгаалалтын даланг засварласан бол энэ онд дөрвөн байршилд үерийн хамгаалалтын далан барих аж.
2025 онд үерийн хамгаалалтын далан барих дөрвөн байршил:
Нэгдүгээр байршил: 2022 оноос эхлэн он дамжин хэрэгжиж буй Жаргалантын аманд 1.8 км үерийн даланг барьж дуусгана.
Хоёрдугаар байршил: Сүхбаатар дүүрэг, 32-ын тойргоос зүүн тийш Сэлбэ гол руу шороон сувагтай. Уг сувгийг инженерийн хийцлэлтэй болгож, ус нэвтрүүлэх хүчин чадлыг нэмэгдүүлнэ.
Гуравдугаар байршил: Баянгол дүүрэг, Бөмбөгөр орчмын нурсан 40 метр босоо даланг засварлаж, шинээр барина.
Дөрөвдүгээр байршил: Хан-Уул дүүрэг, Нисэхийн үерийн даланг засварлаж, шинэчилнэ. Тус үерийн далан ус нэвтрүүлэх боломжгүй болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
