Маргааш Алтайн уулархаг нутгаар ялимгүй цас орж, нутгийн зүүн хэсгээр хүйтэн жавартай байна

Гэрэл зургийг MPA агентлагийн онцгой зөвшөөрөлтэйгөөр ашиглав

Хоёрдугаар сарын 21-25-ны өдрийг хүртэлх тав хоногийн цаг агаарын урьдчилсан төлөвийг Цаг уур, орчны шинжилгээний газраас мэдээллээ. 

Маргааш буюу хоёрдугаар сарын 20-ны өдөр Алтайн уулархаг нутгаар ялимгүй цас орж, нутгийн зүүн хэсгээр хүйтэн жавартай байх бол 23-наас ихэнх нутгаар хүйтний эрч сулрах юм байна. 

Хур тунадас: 

• Хоёрдугаар сарын 21-нд Алтайн уулархаг нутгаар,
• Хоёрдугаар сарын 23-нд Хөвсгөлийн уулархаг нутгаар,
• Хоёрдугаар сарын 24-нд Хөвсгөл, Хэнтийн уулархаг нутгаар ялимгүй цас орно.

Салхи: 

Ихэнх хугацаанд секундэд 5-10 метр, Хоёрдугаар сарын 24-нд зарим газраар секундэд 13-15 метр хүрч ширүүснэ.

Агаарын температур:

• Увс нуурын хотгор, Завхан голын эх, Хүрэнбэлчир орчим, Идэр, Тэс, Ерөө, Халх голын хөндийгөөр шөнөдөө -33…-38 градус, өдөртөө -17...-22 градус,
• Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Туул, Тэрэлж, Хэрлэн голын хөндийгөөр шөнөдөө -27...-32 градус, өдөртөө -12...-17 градус,
• говийн бүс нутгийн баруун өмнөд хэсгээр шөнөдөө -12...-17 градус, өдөртөө +1…-4 градус, цас багатай газар болон говийн бүс нутгийн зүүн өмнөд хэсгээр шөнөдөө -16…-21 градус, өдөртөө -3…-8 градус,
• бусад нутгаар шөнөдөө -22…-27 градус, өдөртөө -8...-13 градус хүйтэн байна.
• Хоёрдугаар сарын 23-наас ихэнх нутгаар хүйтний эрч суларна.