"Хууль бусаар хуурамч архи зараад байна" гэх мэдээллийн дагуу шалгаж, зөрчилтэй этгээдийг торгожээ
Цахим орчинд "Хууль бусаар хуурамч архи зараад байна" гэх мэдээлэл нийтлэгдсэний дагуу цагдаагийн байгууллагаас шалгалтын ажиллагаа явуулжээ.
Энэ талаар Цагдаагийн Ерөнхий Газар (ЦЕГ)-ын Урьдчилан сэргийлэх албаны мэргэжилтэн, цагдаагийн дэслэгч С.Мягмарсүрэн дараах сэрэмжлүүлгийг хүргэв.
Тэрбээр хэлэхдээ "Иргэн Х нь нэр бүхий хотхонд гар дээрээс хууль бусаар татварын акцгүй архи согтууруулах ундааны зүйл худалдан борлуулсан зөрчлийг илрүүлэн, торгох шийтгэл оногдуулав.
Сар шинийн баярын тэмдэглэлт өдөр ойртож буйтай холбоотойгоор иргэд
- Хууль бусаар тусгай зөвшөөрөлгүй үйл ажиллагаа явуулж буй Аж Ахуйн Нэгж болон иргэний гар дээрээс татварын акцгүй баталгаат бус согтууруулах ундааны зүйл худалдан авахгүй байх
- Өөрийн болон бусдын эрүүл мэндэд хохирол учрахаас урьдчилан сэргийлэхийг зөвлөе" гэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
