Өнгөрсөн долоо хоногт нийслэлд гал түймрийн 40 дуудлага бүртгэгджээ
Нийслэлийн хэмжээнд өнгөрсөн долоо хоногт гал түймрийн 40 дуудлага бүртгэгджээ.
Алба хаагчид 157 иргэний аюулгүй байдлыг ханган, 4 тэрбум 700 сая төгрөгийн өмч хөрөнгийг галын аюулаас авран хамгаалж ажилласан байна.
Галлагааны улиралд айл, өрхийн угаарын хий мэдрэгч тоног төхөөрөмжийн ажиллагаа хэвийн бус, зуухны галлагааны горим болон бүрэн бүтэн байдал алдагдах зэрэг нөхцөлөөс үүдэн угаарын хийд хордох эрсдэл нэмэгддэг. Иймд, иргэд угаар мэдрэгч тоног төхөөрөмжийн ажиллагаа, зай, сигнал, зуухны бүрэн байдлыг тогтмол шалгаж байх ёстой. Мөн зуухны завсраар угаар болон бусад төрлийн хий ялгарч байгаа эсэхийг шалгаж хэвшсэнээр угаарын хийн хордлогоос урьдчилан сэргийлэх боломжтой гэж зөвлөв.
Түүнчлэн нийслэлд сүүлийн нэг сарын хугацаанд 21 автомашин шатжээ. Автомашины цахилгааны аюулгүй байдлыг хангаж, ил гал гаргахгүй байхыг анхаарууллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
