Боксчид Дэлхийн цомоос гурван медаль хүртжээ

Английн Шеффилд хотод сонирхогчдын боксын Дэлхийн цомын тэмцээн арваннэгдүгээр сарын 25-наас арванхоёрдугаар сарын 1-нд боллоо.

Манай улсаас Үндэсний шигшээ багийн ахлах дасгалжуулагч Д.Отгондалай, О.Батхүү нарын удирдлага дор эрэгтэй тав, эмэгтэй дөрвөн тамирчин өрсөлдөхөд алт, мөнгө, хүрэл медаль хүртлээ.

Тодруулбал тэмцээний эрэгтэйчүүдийн 51 кг-ын жинд А.Баттулга алт, 63.5 кг-д Т.Энхтөр хүрэл медаль хүртсэн бол эмэгтэйчүүдийн 54 кг-д Азийн АШТ-ий хүрэл, Азийн наадмын хүрэл медальт О.Есүгэн мөнгөн медаль хүртсэн байна.

Энэ тэмцээний араас дэлхийн чансааг шинэчлэн гаргах ба дэлхийн цомын гурван тэмцээний нэг нь Монгол улсад болсон билээ.