Г.Мөнхбаатар: Ирэх жил газар зохион байгуулалтын чиглэлээр 652 төсөл, арга хэмжээг хэрэгжүүлнэ

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн Иргэдийн Төлөөлөгчдийн Хурал/НИТХ/-ын ээлжит хуралдаан өнөөдөр болж байна. 

Энэ үеэр Нийслэлийн газар зохион байгуулалтын алба Г.Мөнхбаатар Нийслэлийн 2024 оны Газар зохион байгуулалтын төлөвлөгөөний биелэлт болон 2025 оны төлөвлөгөөний төслийг танилцууллаа. 

Нийслэлийн 2024 оны Газар зохион байгуулалтын төлөвлөгөөний биелэлт өнгөрсөн сарын 22-ны байдлаар 91.3 хувьтай хэрэгжиж байгаа юм байна. 

1. Газрын менежментийн хэрэгжүүлэх талаар 76 ажил 92.2 хувьтай
2. Газар зохион байгуулалтын чиглэлээр 716 ажил 86.7 хувьтай 
3. Газрыг нөхөн олговор олгох, байршил хэмжээ бүлэгт 139 ажил 85.6 хувьтай байгаа юм байна. 
4. Газрын төлбөрийн талаар хэрэгжүүлэх арга хэмжээ газрын кадастрын нэгдсэн системд 2024 оны байдлаар газрын төлбөр ₮72.7 тэрбумын нэхэмжлэл үүсгэн ажиллажээ. 

Нийслэлийн 2025 оны Газар зохион байгуулалтын төлөвлөгөө төсөл 

Ирэх жил газар зохион байгуулалтын чиглэлээр 652 төсөл, арга хэмжээг хэрэгжүүлэхээр тусгасан байна. 

• Газрын менежментийн хэрэгжүүлэх- 73
• Газар зохион байгуулалт- 312 
• Нөхөн олговор олгох, байршил хэмжээ- 143
• Газрын төлбөр- ₮81.5 тэрбумыг төсөвт төвлөрүүлэхээр тусгажээ.