Баянмонгол чуулгын сэтгэлд хоногшсон дууны концерт энэ сарын 22-нд болно

Төрийн шагналт Баянмонгол чуулга нь байгуулагдсан цагаасаа эхлэн олон арван алдартай уран бүтээлчдийг төрүүлэн гаргасан Монголын ууган хамтлаг чуулгуудын нэг юм.

Баянмонгол чуулга нь тэдгээр алдартай, ахмад уран бүтээлчдийг дурсан санах, хойч үедээ уран бүтээлийг нь хүргэх зорилгоор ахмад үеийн болон орчин цагийн уран бүтээлчдээс бүрдсэн “Retro Swing” – Сэтгэлд хоногшсон дууны концертоо 2024 оны 11 дүгээр сарын 22-ны өдөр Улсын Филармонийн тайзнаа тоглох гэж байна.

Тоглолтыг ТШ, УГЗ Б.Нямдорж удирдах бөгөөд тэрээр 30 орчим дуу, 100 гаруй дан хөгжмийн бүтээл зохиожээ. Тухайлбал нэрт дуучин УГЖ Х.Төмөрбаатарын дуулдаг “Сайн байна уу? Улаанбаатар минь”, Н.Оюунчимэгийн дуулсан ХБ, АУЗ Б.Лхагвасүрэнгийн шүлэг “Чи бидэн хоёр”, мөн дан хөгжмийн бүтээлээс дурдвал “Энхийн үйлс” “Бодол” зэрэг олон арван хөгжим бий.

 

Тоглолтод:

Төрийн шагналт Баянмонгол чуулга

Удирдаач: ТШ, УГЗ, Хөгжмийн зохиолч Б.Нямдорж

Дуучин Ж.Уранчимэг /УГЖ/, Н.Оюунчимэг, О.Болдбаатар, П.Өнөржаргал, Н.Наранбаатар, Б.Дэлгэрбаяр, Д.Дүйнхэржав, Б.Одмандах нар оролцоно.

Огноо: 2024 | 11 | 22 19:00

Улсын Филармонийн Концертын танхимд

Тасалбарыг ticket.mn/event болон Улсын Филармонийн кассаас

Дэлгэрэнгүй мэдээллийг 70118012, 88003041-с авна уу.