Сүү ХК шинэ оффис болон Мөрөөдлийн цэцэрлэгийн нээлтийн үйл ажиллагаагаа зохион байгууллаа
Сүү ХК нь шинэ оффисын нээлт болон ажилчдын хүүхдүүдийн 120 хүүхдийн ортой Мөрөөдлийн цэцэрлэгийн нээлтийн ажиллагаагаа зохион байгууллаа.
Сүү ХК анх 1958 онд үүсэн байгуулагдсанаас хойш өдгөө 66 жилийн түүхтэй Монгол Улсын ууган үйлдвэр билээ. Одоогийн байгаа СХД-ийн 29 хороонд 1984 онд анхны шаваа тавьснаас хойш өмч хувьчлалаар оффисын барилгаа алдаж байсан түүхийн өдрүүд байсан.
Үүнээс хойш эргэн 18 жилийн дараа өөрийн барилгаа эргүүлэн авч, засварлаж сүүлийн үеийн ажиллахад иж бүрэн тоног төхөөрөмжөөр хангагдсан оффист нээлтээ хийж байна. Тус оффисын барилга ажиллах нөхцөл боломжоор бүрэн хангагдсанаас гадна фитнес болон ресторантай гэдгээрээ онцлог юм.
Мөн Сүү ХК нь өдгөө нийт 600 гаруй ажилтан албан хаагчтай бөгөөд түүний цаана 1000 гаруй бяцхан үрс байна. Эдгээр хүүхдүүдийнхээ ирээдүйн төлөө хийж буй томоохон үйл явдлын нэг нь Сүү ХК-ийн дэргэдэх Мөрөөдлийн цэцэрлэг байлаа.
Тус цэцэрлэг нь нийт 5 бүлгийн 120 хүүхэд хүлээн авах хүчин чадалтай бөгөөд сүүлийн үеийн хүүхдэд зориулсан хичээлийн хэрэгсэл зэргээр тоноглогдсон стандартад нийцсэн цэцэрлэг болоод байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
