Аэро Монголиа ХХК Сөүл, Токио хотод суралцаж буй оюутнуудад зориулан хямд үнээр зорчих тусгай хөтөлбөрийг зарлалаа.
Их, дээд сургууль, коллежид хэлний бэлтгэл, бакалавр, мастер болон докторын зэргээр суралцаж буй 18-35 насны иргэн бүрд энэхүү хөнгөлөлт үйлчилнэ. Харин 10-20 хувийн хөнгөлөлттэй үнээр зорчихын тулд та зөвхөн суралцаж буйгаа батлах оюутны үнэмлэх, эсвэл сургуулийн тодорхойлолтоо тийз захиалгын ажилтанд үзүүлэхэд хангалттай юм.
Аэро Монголиа ХХК-иас зарласан хөнгөлөлт нь нийгмийн хариуцлагын хүрээнд залуу үеийн боловсролд хувь нэмэр оруулж буй нэг алхам бөгөөд цаашид тогтмол хэрэгжүүлнэ гэдгийг тус компанийн Коммерын газраас мэдээллээ.
Та хөнгөлөлттэй тийзээ дараах холбоосоор захиалаарай.
Утас: 7010 3030
Facebook messenger: Aero Mongolia
Website: www.aeromongolia.com
Email: callcenter@aeromongolia.com
Мөн тийз борлуулагч бүх агентлагаас захиалах боломжтой.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!