Кенийн марафонч Рут Чепнгетич дэлхийн рекорд тогтоолоо

Орон нутгийн цагаар өнгөрсөн Ням гарагт өндөрлөсөн Чикагогийн марафонд дэлхийн рекорд шинэчлэн тогтоолоо.

Эмэгтэйчүүдийн ангилалд Кенийн Рут Чепнгетич 02:09:57 цагт замаа дуусгаснаар Этиопийн Тигст Ассефагийн тогтоосон өмнөх дээд амжилтыг шинэчилсэн юм. Тэрбээр өнгөрсөн оны Берлиний марафонд 02:11:53 цагаар түрүүлж байв.

Р.Чепнгетич эмэгтэйчүүдийн түүхэнд 02:10:00 цагаас бага хугацаанд барианд орсон анхны тамирчин болж байна.

Энэ жил 30 настай Рут 2019 онд Дохад болсон Дэлхийн Аварга Шалгаруулах Тэмцээн (ДАШТ)-д түрүүлж, Чикагогийн марафонд гурав дахиа (2021, 2022, 2024) алтан медаль хүртсэн шилдгүүдийн нэг юм. 

Эрэгтэйчүүдийн ангилалд Кенийн Жон Корир түрүүлсэн. Тэрбээр 02:02:44 цагаар бусдыгаа манлайлсан бол Этиопийн Мохамед Эса мөнгө, Амос Кипруто хүрэл медаль хүртсэн аж.

Эх сурвалж: BBC