"Төрийн далбааны өдрийн цэргийн жагсаалаар дотооддоо үйлдвэрлэж буй хуягласан байлдааны машин, дронуудаа танилцуулна"
Монгол Улсын Ерөнхийлөгч, Засгийн газрын шийдвэрээр долдугаар сарын 10-ны өдөр буюу Төрийн далбааны өдрөөр болох цэргийн ёслолын жагсаалыг зэвсэг техниктэй буюу бүрэн дэлгэмэл хийхээр болсон талаар Монгол Улсын Батлан хамгаалах яамны (БХЯ) дэд сайдаар Д. Баасандамба мэдээллээ.
Жагсаалд 8,500 гаруй төрийн цэргийн болон хууль сахиулах байгууллагын алба хаагчид оролцох юм байна. Мөн 90 гаруй цэргийн зэвсэг техник, байлдааны сөнөөгч онгоц, нисдэг тэрэг болон тусгай тоног тээврийн техникийн парад давхар зохион байгуулагдах юм байна. Үүнд Монгол Улсын батлан хамгаалах болон аюулгүй байдлыг сахиулах салбарт шинээр нэвтрүүлсэн цэргийн болон тусгай зориулалтын техник, тоног төхөөрөмжүүдийг харуулах аж.
Түүнчлэн Монгол Улсын батлан хамгаалах аж үйлдвэрлэлийн хүрээнд дотооддоо үйлдвэрлэж буй хуягласан хүнд болон хөнгөн байлдааны машин, дронуудаа танилцуулах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
