Монголд олон улсын болон гадаад улсын төрийн бус байгууллагын 72 салбар, төлөөлөгчийн газар үйл ажиллагаа явуулж байна
Гадаадын Иргэн, Харьяатын Газар /ГИХЯ/ нь Монгол Улсад үйл ажиллагаа явуулж буй олон улсын болон гадаад улсын төрийн бус байгууллагын салбар, төлөөлөгчийн газрын үйл ажиллагаанд хяналт тавин ажилладаг.
Энэ хүрээнд 2026 оны эхний хагас жилийн байдлаар гадаад улсын төрийн бус байгууллагын 3 салбар, төлөөлөгчийн газарт Монгол Улсад үйл ажиллагаа явуулах зөвшөөрөл шинээр олгож, 7 байгууллагын зөвшөөрлийн хугацааг сунган, 14 байгууллагын үйл ажиллагаа эрхлэх зөвшөөрлийг хүчингүй болгожээ.
Өнөөдрийн байдлаар Монгол Улсын нутаг дэвсгэрт олон улсын болон гадаад улсын төрийн бус байгууллагын нийт 72 салбар, төлөөлөгчийн газар бүртгэлтэй байна. Үүнийг үйл ажиллагааны чиглэлээр нь авч үзвэл, хүмүүнлэгийн чиглэлээр 16, боловсролын чиглэлээр 13, байгаль орчны чиглэлээр 9, эрүүл мэндийн чиглэлээр 8, хөдөө аж ахуйн чиглэлээр 7, халамжийн чиглэлээр 6, эдийн засгийн чиглэлээр 5, бусад чиглэлээр 8 байгууллага тус тус үйл ажиллагаа явуулж байна.
Эх сурвалж: ГИХЯ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
