Автомашингүй өдрөөр хаасан замуудыг 18:00 цагт нээжээ

Автомашингүй өдрөөр Улаанбаатар хотын төвийн бүсийн 310 цэгт 360 гаруй албан хаагч үүрэг гүйцэтгэжээ.

Хойд чиглэлд СУИС-ийн уулзвар, Хүнсний IV дэлгүүрийн уулзвар, баруун талдаа Дарь-Эхийн уулзвар, Сансрын туннель, Зүүн 4 зам, Бөхийн өргөө, урд талдаа Шангри Лагийн уулзвар, Хүүхдийн ордны уулзвар, зүүн талдаа “Өгөөж”-ийн уулзвар, Баруун 4 зам, “Бөмбөгөр” худалдааны төвийн уулзвар, Гэсэр сүмийн уулзвар гэсэн байршлууд дээр өмнөх жилүүдтэй адил түвшинд хөдөлгөөнийг түр хязгаарлаад байсан юм. Тус авто замуудыг 18:00 цагт нээсэн байна. Үүнд:

• Д.Сүхбаатарын гудамж,
• Их сургуулийн гудамж,
• Сөүлийн гудамж,
• Партизаны гудамж,
• Бөмбөгөр худалдааны төвийн уулзвар,
• Төмөрчний гудамж,
• Гэсэр сүмийн уулзвар,
• Самбуугийн гудамж,
• Анкарагийн гудамж,
• Бага тойруу,
• Бээжингийн гудамж,
• Токиогийн гудамж,
• Залуучуудын гудамж,
• Зүүн дөрвөн замын уулзвараас Баруун дөрвөн замын уулзвар,
• Чагдаржавын гудамж,
• Элчингийн гудамж,
• Олимпын гудамж,
• Гэндэнгийн гудамж,
• Монголын хүүхдийн ордны уулзвараас Монгол шуудангийн уулзвар 

Эх сурвалж: НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС