Автомашингүй өдрийг манай улс 12 дахь жилдээ өнөөдөр тэмдэглэн өнгөрүүлж байна.

Энэ талаар НЭМГ-ын дарга П.Эрхэмбулган "Өнөөдөр автомашингүй өдөр арга хэмжээ Сүхбаатарын талбайд зохион байгуулагдаж байна. Энэ жилийн хувьд төвийн бүсийн зарим замыг хэсэгчлэн хааж, иргэдийг явган алхах, унадаг дугуй унах боломжийг бүрдүүлж байгаа юм.

Төв талбайд урлаг соёлын арга хэмжээнээс гадна эрүүл мэндийн зөвлөгөө үйлчилгээ өгч байна. Уг арга хэмжээ 16:00 цаг хүртэл үргэлжилнэ. Иргэд гэр бүлээрээ ирж, эрүүл мэндийн үзлэг шинжилгээнд хамрагдаж, зөвлөгөө авах боломжтой.

Харин төв замын хөдөлгөөнийг 18:00 цагт нээнэ" гэж мэдээллээ.

Арга хэмжээний үеэр эцэг эх, асран хамгаалагч нар бага насны хүүхдэдээ тавих хараа хяналтаа сайжруулж, болзошгүй эрсдэлээс урьдчилан сэргийлэхийг цагдаагийн байгууллагаас зөвлөлөө.

Фото