"Хүннү 2222"-ын урд зам, Тахилтын нүхэн гарц, Саппорогийн уулзвар зэрэг таван байршлаас 7,720 тонн ус соруулжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Улаанбаатар хот орчмоор өнөөдөр буюу зургаадугаар сарын 27-ны 06:00 цагаас эхлэн орж буй бороо өдөртөө үргэлжлэн орж, үдээс хойш эрч нь сулран 17:00 цагийн орчимд зогсох төлөвтэй байна.

Үүнтэй холбоотойгоор Геодези, Усны Барилга, Байгууламжийн Газар ОНӨААТҮГ (ГУББГ)-аас нийт таван байршилд 32 хүний бүрэлдэхүүнтэйгээр 10 гаруй машин механизм, өндөр хүчин чадлын дөрвөн зөөврийн ус соруулах насостойгоор замд тогтсон 7,720 тонн усыг соруулж дууслаа. 

Тодруулбал

• Борооны ус зайлуулах шугам сүлжээний засварын ажил хийж буй Сонгинохайрхан дүүргийн 32 дугаар хороо, Тахилтын нүхэн гарц
• Баянгол дүүргийн 3 дугаар хороо Нарны гүүрний урд хэсэг
• Удирдлагын Академийн хойд зам
• Саппорогийн уулзвар
• "Хүннү 2222" хорооллын урд талын авто замд тогтсон нийт 7,720 тонн усыг тус тус соруулсан. 

Мөн Дунд, Сэлбэ, Туул гол дагуух үзлэг шалгалтыг тогтмол хийж байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.