Уншиж байна ...
Зураг
Зураг

Төв аймгийн хөгжлийг ШИНЭ ШАТАНД ГАРГАНА

СУРТАЛЧИЛГАА
2024 оны 6 сарын 11
Сурталчилгаа
Зураг зураг

УИХ-ын сонгуулийн 5 дугаар тойрогт нэр дэвшигч Г.Дамдинням өнөөдөр /2024.06.11/ Төв аймгийн Батсүмбэр, Баянчандмань, Жаргалант, Борнуур сумын иргэдтэй уулзаж намын мөрийн хөтөлбөрөө танилцууллаа.

Тэрбээр иргэд сонгогчдод хандан “Төв аймаг бол нийслэлийн 1.6 сая хүнийг хүнсээр хангадаг аймаг. Баянчандмань сум Монголын өндөгний 50 илүү хувь, Батсүмбэр сум сүүний 30 хувийг хангаж байна. Сэлэнгэ аймгийн Мандал сум мөн сүүний 30 хувь. Хүнсний ногооны нэлээн том хэсгийг хангана. Цаашаагаа Жаргалант, Сүмбэр. Монголын төмс тэр аяараа байна.

Дархан бол Сэлэнгэ аймгийн яг голд байна. Эдийн засгийн үзүүлэлтүүдийг нь харахад Сэлэнгэ нэг их наяд, Дархан 700 орчим тэрбум төгрөг. Сэлэнгэчүүд Дарханд ирж худалдан авалт хийдэг.

Өөрөөр хэлбэл, энэ гурван аймаг аль эрт өөрсдөө учраа олоод зах зээлийнхээ зарчмаар холбогдоод кластер болоод хөгжөөд эхэлчихсэн юм билээ. Сурчихсан. Маш ажилсаг, арчаатай хүмүүсийн амьдардаг бүс нутаг болжээ. Манай бүс эрчимжсэн хөдөө аж ахуй, газар тариалан, мал аж ахуй, хүнд, хөнгөн үйлдвэрийн Монголын төв болно. Одоо бол бид өөрсдөдөө байгаа давуу болон сул талаа хоорондоо хуваалцаж нөхөх, бие биедээ байгаа туршлагаа шингээх, хооронд нь холбож өгөх бодлогын зангилаануудыг хийх л ажил үлдсэн юм билээ” гэлээ.

зураг
 
зураг
 

МАН-ын мөрийн хөтөлбөрт тусгагдсанаар Төв аймагт дараах бүтээн байгуулалтыг хэрэгжүүлнэ гэж тусгажээ.

ҮҮНД:

  • Улаанбаатар хотыг тойрсон 144.9 км Богдхан төмөр замыг барина.
  • Бөөрөлжүүт-Сэргэлэн чиглэлийн 87.2 км 220 кВ-ын цахилгаан дамжуулах агаарын шугамыг барина.
  • Төв аймагт шинэ дулааны станц барина.
  • Улаанбаатар хот, Төв аймаг, дагуул хотуудын орчмын нутаг дэвсгэрийг хамарсан Туул голын сав, Богдхан уулын экосистемд түшиглэсэн бизнес, хурал, зөвлөгөөн, эвент, хотын (MICE) аяллыг хөгжүүлэх Хөшигийн хөндийн аялал жуулчлалын тусгай бүсийг төр хувийн хэвшлийн түншлэлийн хүрээнд байгуулна
  • Төрийн захиргааны төв байгууллагуудыг Хөшигийн хөндий рүү нүүлгэн шилжүүлнэ.
  • Газар тариалан, мал аж ахуйн тоног төхөөрөмжийг импортын тарифын хөнгөлөлт, чөлөөлөлтөд хамруулах эрх зүйн орчныг бүрдүүлж, хөдөө аж ахуйн бизнес эрхлэгчдийн үйл ажиллагааг тогтмолжуулна.
  • Хөшигийн хөндий, Алтанбулаг боомтод ачаа тээврийн нэгдсэн логистикийн төвүүдийг байгуулна.
  • Гахай, тахиа, өндөг, зөгийн аж ахуй эрхлэх хувийн хэвшлийн санаачилгыг татвар, тарифын бодлогоор дэмжиж, импортыг бууруулна.
  • Дөрвөн улирлын хүлэмж, агуулах, зоорийн аж ахуйг хөгжүүлэх замаар хүнсний ногоо, жимс жимсгэнийн нэр төрлийг нэмэгдүүлж, дотоодын хэрэгцээг жилийн турш тогтвортой хангана.
зураг